Ålreit er eit coaching- og kompetansesenter som tilbyr kurs og utdanning innan coaching i Bergen og på Haugalandet. Fokuset er på coaching innan sjølvutvikling og kommunikasjon både for privatpersonar og for leiarar i næringslivsroller.
- Informasjonsmøtet er like aktuelt for foreldre som bedriftsleiarar. Det blir eit generelt og uforpliktande møte om utdanningane me har til hausten, fortel dagleg leiar i Ålreit Coaching & kompetansesenter, Jan Otto Hovda.
Informasjonsmøte med Ålreit Coaching
- Når: 29. august, kl 17-19
- Kvar: Medvind Næringshage i Ølensvåg, møterom "Orkan"
- Program: informasjon om haustens kurs- og studieprogram frå Ålreit Coaching & kompetansesenter
- Påmelding her
Informasjonsmøtet som finn stad på Medvind Næringshage i Ølensvåg, er eit uforpliktande, gratis møte om studieprogramma og korleis ein jobbar i desse programma.
- Alle er velkomne, ein treng berre vere nysgjerrig på kva dette er for å stille. Ingen førehandsinformasjon er nødvendig, legg han til vidare.
Ålreit i kontorfellesskapet
I april i år flytta Ålreit Coaching & kompetansesenter inn i kontorfellesskapet i Medvind Næringshage i Ølensvåg. Frå Ølensvåg vil dei kunne tilby tenestane sine i større grad til marknaden i Vindafjord enn dei før har gjort.
- Her blir me sentralt tilgjengelege, og det blir enklare å møte personleg, seier Hovda som i utgangspunktet skal vere på kontoret i Ølensvåg to arbeidsdagar i veka.
Kva er coaching?
- Coaching er ein målretta prosess mellom trenar og individ.
- Målet er at individet skal gjennom ein utviklingsprosess frigjere sitt potensial.
- Coaching kan bli utført mellom trenar og individ, eller i større grupper.
- Med ein coach kan ein jobbe opp mot utfordringar innan jobb, personleg utvikling og saman som grupper.
Medrekna dagleg leiar, Jan Otto Hovda, er det fire tilsette i bedrifta som årleg gjennomfører både studieprogram og kurs innan coaching. Dei har alle utdanning som coachingtrenarar og har sertifiseringar innan coaching frå Den Norske Coachforening.