Full fart på Fikse-fest

Det sto i alle fall ikkje på innsatsen då løpsentusiastar og viljesterke stafettlag kasta seg ut i styrkeprøven Over Fikse laurdag. Elin Rame og Thomas Finshus blei kjappaste løparar mellom Ølen og Etne, medan Hestanipen opp stakk av med vandrepokalen i stafetten.

Av: Aakra, Kari Publisert: 29. april 2017

Vindafjord kommune sitt lag gav alt på dei siste etappane mot Etne sentrum. Åsmund Ohm Børretzen overlet siste sjarmøretappe til Anne Sofie Sandvik.

- Om lag 100 mosjonistar stilte til start kl. 11.00. Allereie tidlegare på dagen har fleire lagt ut på løypa og det held fram med å siga på med turgåarar utover dagen, fortel Morten Helland i komiteen for Over Fikse.

Det var folksomt og høg trafikk med stor fart på turvegen over Fikse i dag. 10 stafettlag og meir enn 30 aktive løparar testa farten på den nye turvegen.

Over Fikse-løper markerte i dag den offisielle opninga av den nye turvegen mellom Ølen og Etne.

Ordførar Ole Johan Vierdal sto for opninga av turvegen ved Ølen Stadion i dag. Før han sjølv la ut på Grannar-marsjen fekk han ny utfordring for neste år: stafettpinnen for ordførarlaget 2017.

- Ole Johan får med dette oppgåva med å samla ordførarkollegaer og stilla med lag til neste års stafett, seier Torleif Heggebø i VindafjordTurlag, ein av arrangørane bak løpet.

Etter alt og døma kan dermed Over Fikse bli eit politisk topptungt arrangement i 2017.

Aktiv klasse starta ved Ølen Stadion kl. 13.00, etterfulgt av stafettstart kl. 13.30. Stafetten blei ein fargerik affære med eit breitt spekter lag som stiller til dyst: Himkok, Sørstranda grendelag, Hestanipen opp, Omega, Vindafjord Kommune, Team Roatoppen opp, Helgevold Elektro, Etne Duathlon og Medvind24 Næringshage.

Desse stilte til start i aktiv klasse kvinner: Trine Rønning Byggstøyl, Carina Hornenes, Maria Kvinnesland Budal, Rebekka Kvinnesland Budal, Åsa Berge, Ingvild Luteberg, Solveig Dalseid Vaa, Berit Aasheim, Elin Rame, Kristin Lien, Mariann Vevatne

Aktiv klasse menn: Mikael Opheim, Tor Arne Sandvik, Leif Hole, Øystein Opedal, Kristian Døvik, Morten Østenstad , Matias Berge, Nils Saltnes, Vegard Havrevoll, Sigyrd Fresvik, Harald Måge, Johannes Silde, Lasse Aasheim, Tobias Aarekol, Andrew Greenwood, Runar Aarekol, Bjarte Rørtveit, Kjetil Sævareid, Frode Haugen