- Me signerte kontrakten med Risa i går, og dei er klar til å setja i gang i månadsskiftet november/desember, seier prosjektleiar i Statens Vegvesen, Asbjørn Opedal.
Risa leverte beste tilbod ved tilbodsopninga i september.
Det er endå usikkert kor på strekninga arbeidet vil starta, men vegnaboar og innbyggjarar elles vil bli fortløpande informerte om arbeidet.
- Me kjem til å senda ut informasjonsskriv tidleg i desember, der me opplyser om framdrifta i prosjektet og kva følgjer anleggsarbeidet vil få for både vegnaboar og trafikkantar på strekninga, seier Opedal.
Den 3,3 km lange gang- og sykkelvegen skal etter planen stå ferdig om to år.