Blir ny brannsjef for regionen
Dag Botnen er tilsett som dagleg leiar/brann- og redningssjef i Haugaland Brann og Redning IKS.
Publisert 28. august 2017
Botnen har hatt stilling som Dagleg leiar / Brann og redningssjef i Hallingdal Brann og Redning IKS sidan 1999, skriv Haugaland brann og redning IKS, i ei pressemelding.
Dei siste 2,5 åra har han i tillegg vore prosjektleiar for Brannløftet i Gjensidigestiftelsen.
- Dag Botnen har solid leiarkompetanse og kompetanse innan fagfeltet. I tillegg har han lang erfaring som instruktør. Styret er glade for å ha fått Dag Botnen til å leia arbeidet med oppbygginga og drifta av selskapet, skriv styreleiar Elling Hetland i ei pressemelding.
Haugaland brann og redning IKS er etablert av kommunane Bokn, Etne, Haugesund, Karmøy, Suldal, Sveio, Tysvær, Utsira og Vindafjord. Selskapet er under oppbygging og skal dekka alle kommunane sine plikter, oppgåver og behov i samband med brann- og eksplosjonslova.
16 søkjarar til stillinga
Fire kvinner og tolv menn søkte stillinga som regionbrannsjef:
Solveig Hortman (49), Vindafjord, leiarr for brannførebyggjande avdeling
Alf Reidar Nilsen (51), Haugesund, leiarr for prosess og teknisk tryggleik
Askambek Tausov (49), Sandnes, seniorplanleggjar
Dag Botnen (47), Fusa, brannsjef/prosjektleiar
Hanne Jensen (45), Karmøy, HMS-ingeniør
Hans Erik Lundberg (51), Karmøy, spesialrådgjevar/beredskapsansvarleg
Jostein Engedal Stormo (38), Sveio, maskiningeniør
Lars Jørgen Svendsen (52), Stjørdal, driftssjef
Maja Katrine Fagerheim (24), Haugesund, salgsfremjar /ringevikar (lærar)
Michael Gräfe (44), Haugesund, driftssjef
Monica Valen (34) Haugesund, prosjektleiar
Nils-Arnold Nilsen (46), Kvænangen, brannsjef
Paul Ivar Myrstad (54), Moss, instruktør/konsulent
Steinar Gunnarshaug (34), Bardu, operasjonssjef
Tor-Inge Henriksen (49), Haugesund, brannsjef
Unnateke offentlegheit, mann (42), Karmøy, personalsjef